130 год з дня нараджэння Максіма Багдановіча
Сёння, 9 снежня, адзначаецца 130 год з дня нараджэння Максіма Багдановіча - класіка беларускай літаратуры, аднаго са стваральнікаў сучаснай літаратурнай беларускай мовы, паэта, публіцыста, літаратурнага крытыка, перакладчыка. Літаратурная спадчына Максіма Багдановіча ўвайшла ў залаты фонд беларускай культуры. Яна ўплывае на развіццё беларускай паэзіі і сёння сваім глыбокім пранікненнем у духоўны свет чалавека і высокай культурай паэтычнага слова.
Літаратурная віктарына “Незгасальная зорка Максіма Багдановіча” была праведзена сярод вучняў 10-11 класаў менавіта з гэтай нагоды. Віктарына складалася з блокаў-пытанняў, дзе кожны ўдзельнік павінен быў адказаць на іх. Вучні даказалі, што маюць добрыя веды па творчай спадчыне М.Багдановіча і пра асобу самога паэта. Пераможцамі сталі: Шалаева К., Ільюшэнка А., Замасціновіч В. На ўроках беларускай літаратуры настаўнікі паказалі вучням выдэаролік Мінскага абласнога краязнаўчага музея, прысвечаны 130-годдзю з дня нараджэння Максіма Багдановіча.
