Ганарымся
У дзень дабра 13 лістапада ў г. Віцебску прайшоў абласны злёт валанцёрскіх і цімураўскіх атрадаў
"Адкрытае сэрца".
На злёце прысутнічалі 20 лепшых валанцёрскіх і цімураўскіх атрадаў, якія сваімі бескарыслівасцю, дабрынёй і пазітывам паказалі і даказалі ўсю важнасць і карысць валанцёрства. З вітальнымі словамі да ўдзельнікаў злёту звярнуліся: першы намеснік начальніка галоўнага ўпраўлення адукацыі Віцебскага аблвыканкама Багдановіч Алена Леанідаўна, намеснік старшыні Цэнтральнага Савета ГА "БРПА" Шынкарэнка Юлія Аляксандраўна. Падчас злёту ўдзельнікі атрымалі магчымасць праявіць сябе ў працы інтэрактыўных творчых пляцовак, прэзентаваць свой вопыт валанцёрскай дзейнасці, зрабіць фота на памяць у тэматычных фотазонах. Кіраўнікам валанцёрскіх і цімураўскіх атрадаў была выказана падзяка за правільны прыклад, які яны падаюць падрастаючаму пакаленню, і вядома ж, юнакам і дзяўчатам, якія нясуць дабро,шчырасць і бескарыслівую дапамогу тым, каму яна патрэбная. Сярод іх Валодзькіна А. П. кіраўнік валанцёрскага атрада "Варты" Машканскай ДССШ, які заняў 1-е месца ў абласным конкурсе сацыяльных праектаў.
